Vekst i Kviteseid må byggje på eksisterande næringsliv og sikre kapasitet og kompetanse for vidare utvikling. Omstillingsplanen skal styrke lokalt næringsliv gjennom målretta strategiar som bedriftsstøtte, nettverksbygging og kompetanseheving. Prioriterte satsingsområde er primærnæring, besøksnæring og IT-sektoren.
Primærnæringane, særleg landbruk og skogbruk, er sentrale for lokaløkonomien. Det er aukande etterspørsel etter lokal og berekraftig matproduksjon, og satsing på denne næringa kan fremje berekraftig vekst.
Reiselivet har stort potensial, med naturskjønne attraksjonar og ein veksande kultur- og naturbasert besøksnæring. Arrangement og utvikling på dette området kan styrkje både verdiskaping og livskvalitet i kommunen.
IT-miljøet i Kviteseid har vekstpotensial og kan tilby arbeidsplassar av høg kvalitet. Remote-arbeid gjer regionen attraktiv som eit teknologisenter med moglegheit for å tiltrekke teknologibedrifter.
