Nokre tips om utfylling
Når du har sett gjennom skjema og informasjonen, er det tilrådd å kontakte prosjektleiar før du går i gang.
Søknadsskjemaet er utforma for å treffe dei fleste typar prosjekt. Likevel kan det vere behov for å utdjupe og leggje til. Det er smart å nytte slike moglegheiter, for jo meir grunngjeven søknaden er, desto betre er grunnlaget for ei avgjersle om støtte.
Dokumenter kostnadene! Vis til korleis du har kome fram til kostnadene, eksempelvis kan det vere aktuelt å leggje til eit vedlegg med prisliste for innkjøp av varer og tenester ein vil nytte.
Kviteseid FRAMs hovudmål er å skape gode møteplassar, fremje fleksibilitet i bustadmarknaden og sikre vekst i næringslivet i kommunen, og det er viktig å beskrive på kva måte prosjektet ditt bidreg til desse måla.
Berekraft er viktig! Kviteseid FRAM skal vere ein medspiller for ansvarleg næringsliv og legg vekt på sosiale, miljømessige og økonomiske formål. Sjekk ut FNs berekraftsmål, og få meir informasjon om kvar av dei 17 måla. Det er tilrådd å sjå ekstra på delmåla for det hovudmålet du tenkjer at verksemda di bidreg til. I søknadsskjemaet er det både ei avkryssing for kva mål prosjektet ditt bidreg til, og eit skrivefelt i ljoseblått øvst der du blir bedt om å beskrive nærare korleis prosjektet ditt tek vare på berekraftsmåla.
Berekraftrisiko handlar om korleis bedrifta sine aktivitetar påverkar menneske, samfunn eller miljø på ein negativ måte. Dei tre hovudområda er klima og miljø (Environment), sosiale tilhøve (Social) og selskapsstyring (Governance).
Du kan lese meir om berekraftrisiko på Innovasjon Noreg si side.
NB! Om du skriv meir enn størrelsen på tekstboksen, må du legge ved eit tilleggsdokument.
Søknadsbehandling
Etter at søknaden er sendt inn, blir denne vurdert fremja for styret i Kviteseid FRAM, som tek stilling til om søknaden skal innvilgast – og i så fall med kva for sum.
Det er ikkje mogleg å søkje om støtte til meir enn 50% av totalkostnadane i eit prosjekt. Merk at støtte blir innvilga etter skjønn, og at styret i Kviteseid FRAM har myndigheit til å avslå søknader sjølv om dei fell inn under kriteria.
Styret i Kviteseid FRAM har vedteke retningslinjer for bruk av omstillingsmidlane, les meir ved å trykke på knappen under.